Rozando beizos e meixelas.

Non foi casualidade que os teus beizos se cruzaran no meu camiño. Eses beizos que soltaban lóstregos, que facían tremer os muros, capaces de facerme rir e derrumbar o meu mundo. Sen embargo, non é nos beizos onde te teño que buscar. O que eu necesito coñecer é o que se esconde tras os teus ollos, o que oculta o teu sorriso malicioso, constante, como atrapado entre as túas meixelas. Quero saber cales son os teus medos, os teus soños, formar parte dos teus máis temidos pesadelos. E para iso só necesito rozarte.